Timac Agro pon en marcha un novo produto en nutrición animal, Inmusistem Extensivo, un corrector que axuda ao sistema inmunitario e mellora o metabolismo do gando vacún, ovino, caprino e rumiantes cinexéticos, en extensivo e no inicio do cebo.
"O obxectivo é acadar un efecto beneficioso, unha maior eficiencia alimentaria como resultado dunha mellor dixestión e aproveitamento dos nutrientes, así como un aumento produtivo", afirman dende a compañía.
Esta nova solución, composta por vitaminas e minerais, incorpora tamén unha innovadora tecnoloxía posbiótica con células inanimadas de microorganismos e compoñentes do seu metabolismo con efectos beneficiosos no benestar animal. "A vantaxe desta tecnoloxía fronte aos probióticos é que, ao non conter bacterias vivas, non precisa adherirse ás mucosas nin colonizar o intestino, polo que ten un efecto máis rápido e directo", explican dende Timac Agro.
Do mesmo xeito, Inmusistem Extensivo contén a especificidade Betactyl, un activador metabólico exclusivo destinado a mellorar a función hepática, o apetito e a asimilación mineral. Todo iso, cunha formulación e deseño que se adapta especificamente ás necesidades destes animais, en formato cubo de lamber de libre disposición.