05-04-2024
O Concurso de Novos Preparadores de Gando da Moexmu 2024, organizado polo Clube de Xóvenes Gandeiros de Galicia, acaba de finalizar coa vitoria de Lorena Iglesa, da gandería Rey de Miñotelo (A Pastoriza, Lugo). En segundo lugar quedou María Otero, de Fontixón (Castro de Rei, Lugo) e, en terceira posición, Xabi Montes, de Casa do Rei (Rodeiro, Pontevedra). Así o decidiu o xuíz do certame, Bonet Cid.
Con este evento deuse inicio á cuadraxésima edición da feira, que terá lugar durante toda esta fin de semana no recinto feiral Manuel Vila de Muimenta (Lugo). Mañá, ás 10:00 horas, iníciase o concurso de raza frisona.
